Капитал банк татан буугдсанаар тус банкаар дамжуулан олгогдсон ипотекийн зээлд өөрчлөлт орохгүй

Капитал банк татан буугдсан талаар Монголын ипотекийн корпораци мэдэгдэл гаргажээ.

Үүнд "Төв банкны тухай хуулийн 19 дүгээр зүйлийн 19.1 дэх хэсэг, 28 дугаар зүйлийн 28.1.2 дахь заалт, Банкны тухай хуулийн 68 дугаар зүйлийн 68.1 дэх хэсгийг тус тус үндэслэн Монголбанкны Ерөнхийлөгчийн 2019 оны дөрөвдүгээр сарын 08-ны өдрийн А-96 дугаар тушаалаар Капитал банкийг албадан татан буулгах шийдвэр гаргаж, олон нийтэд мэдээллээ.  

Капитал банк татан буугдсанаар тус банкаар дамжуулан орон сууцны ипотекийн зээлд хамрагдсан зээлдэгчдийн зээл болон зээлийн эргэн төлөлтөд өөрчлөлт орохгүй бөгөөд эдгээр иргэд зээлийн эргэн төлөлтөө өмнө нь төлж байсан дансандаа хуваарийн дагуу үргэлжлүүлэн төлж гэрээний үүргээ гүйцэтгэнэ үү.  

Мөн Капитал банк татан буугдсантай холбогдуулан Монголбанкнаас ажлын хэсэг томилогдон ажиллаж байгаа бөгөөд уг асуудлаар холбогдох шийдвэрүүд гарах хүртэл Капитал банкаар дамжуулан орон сууцны ипотекийн зээлд хамрагдсан зээлдэгчдийн орон сууцны зээлийн гэрээтэй холбоотой хүсэлтийг түр хугацаанд шийдвэрлэх боломжгүй байна.

Үүсээд буй асуудлыг шуурхай шийдвэрлэхийн тулд бид эрх бүхий байгууллагуудтай хамтран  ажиллаж байна" гэжээ.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)