"Имарт"-ын нээлтийн тухай Өмнөд Солонгосчууд ийн хэлжээ

Өмнөд Солонгосын жижиглэн худалдааны аврага сүлжээ E-mart өнөөдөр Улаанбаатар хотод нээгдсэн нь Монгол улсын анхны “big box” загварын дэлгүүр боллоо.

E-mart өөрсдөө шууд үйл ажиллагаа явуулалгүй Алтай Группын борлуулалтын нэгж болох Sky Trading компанийг ажиллуулахаар гэрээ байгуулсан юм. Тэд зөвхөн брэнд, үйл ажиллагааг удирдан зохион байгуулах гарын авлага, Солонгосын компаниудын бүтээгдэхүүнээр хангаж байна.

Нийт 7,590 м.кв талбайтай дэлгүүр нь тус сүлжээний Солонгос хувилбарыг тэр чигт нь Монголын нийслэлд авчирч байгаа ба Солонгос урлаг соёлд татагдах болсон үйлчлүүлэгчдэд Солонгосын шоппинг хийх соёлыг танилцуулж байгаа гэж E-Mart-ынхан ярьжээ.

Нээлтийн өдрийн 15:00 цаг гэхэд 3,500 гаруй үйлчлүүлэгч дэлгүүрт ирсэн бөгөөд энэ хугацаанд зургаан ч удаа орох хаалган дээрх урсгалыг хязгаарлахад хүрсэн байна.

Харин туршилтын үйл ажиллагаа явуулсан 26, 27-ны өдрүүдэд E-Mart дэлгүүр 400 сая воны ($353,515) борлуулалт хийснээ тайлагнасан нь төсөөлж байснаас гурав дахин их дүн гэнэ.

Компанийн эх сурвалж цаашдаа “Өмнөд Солонгосын 320 компанийн 12,000 бүтээгдэхүүнийг экспортлоно” гэж мэдэгдлээ. E-Mart-ын нийт барааны гуравны нэг нь Өмнөд Солонгосынх байх ажээ.

Тэр цааш нь “Хэдийгээр борлуулалтын хэмжээ Солонгосын салбарынх шиг хэмжээнд хүрэхгүй ч гэсэн эхний үр дүн онцгой сайн байгаа нь цаашдаа өсөх их ирээдүйтэй гэж харагдаж байна” гэлээ.

 


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (3)