ЗӨВЛӨМЖ: 25 градусаас дээш халсан тохиолдолд юу хийх ёстой вэ

Цаг агаарын урьдчилсан мэдээгээр Үндэсний их баяр наадмын өдрүүдэд хэт халах төлөвтэй байгаа тул иргэд, эцэг эх, асран хамгаалагч та бүхэнд үүсч болзошгүй эрсдлээс сэргийлж, дараах сэрэмжлүүлгийг хүргэж байна. Наршилтын нууц үе 30 минутаас 18 цаг үргэлжилдэг учраас эцэг, эхчүүд ихээхэн анхааралтай байх шаардлагатай гэнэ. Наршилтад бүх насны хүн өртөх эрсдэлтэй ч бага насны хүүхэд, өндөр настан, артерын даралт ихэсдэг, зүрх, судасны эмгэгтэй, архаг хууч өвчтэй хүмүүст илүү халгаатай юм байна шүү.

НАРШИЛТААС СЭРГИЙЛЭХ:

  1. Бага насны хүүхдийг автомашинд орхихгүй байх
  2. Нарны малгай заавал өмсөх, нарны шил, шүхэр хэрэглэх
  3. Цэвэр ус, хар цай, хярам ойр ойрхон уух
  4. Цайвар өнгөтэй, сул чөлөөтэй хувцас өмсөх
  5. Хурц наранд удаан явахаас зайлсхийх
  6. Хүүхдийг гадаа удаан тоглуулахгүй байх
  7. Хүйтэн ус, шүршүүрт орох

НАРШСАН ҮЕД ИЛРЭХ АНХНЫ ШИНЖ ТЭМДЭГ:

  • Толгой өвдөх, дотор муухайрах, бөөлжих 
  • Бие суларч ядрах 
  • Зүрх дэлсэх, судасны цохилтын тоо олшрох, амьсгал давхцах 
  • Царай цонхийж, арьс хүйтэн, чийглэг болох 
  • Их хэмжээгээр хөлс гарах, халууцах, хүүхэд уцаарлаж уурлах

НАРШИЛТЫН ҮЕД ҮЗҮҮЛЭХ АНХНЫ ТУСЛАМЖ:

  1. Эмнэлэгт яаралтай хандах
  2. Сэрүүхэн газарт шилжүүлэн хэвтүүлэх (сүүдэр, сэрүүн өрөө)
  3. Нойтон алчуур толгойд нь тавих
  4. Хувцсыг тайлж суга, цавь, шанаа, дагз, тахим зэрэг том судастай газар хvйтэн жин тавьж, ойр ойрхон солих
  5. Бүлээн шингэн уулгах. Харин хүйтэн шингэнг уулгаж болохгүй.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)