Завханд цөөн хоногт хэд хэдэн ноцтой хэрэг гарлаа

Завхан аймагт өнгөрсөн хоёрдугаар сард хүн амины болоод амиа хорлосон хэрэг нэг бус гарлаа. Тус аймгийн Дөрвөлжин суманд өнгөрсөн сарын 16-нд иргэн Б бусдыг хутгалаад зугтаж явах үедээ өөрийгөө буудаж амиа хорлосон хэрэг гарсан бол 23-24-нд шилжих шөнө аймгийн төвд иргэн С өөрийгөө бууджээ. Түүний ашигласан буу нь хадам аавынх байсан аж. Зарим эх сурвалжийн мэдээлж буйгаар түүнийг буу алдсан гэж байгаа ч хэрэг чухам юунаас болсныг аймгийн цагдаагийн хэлтэс шалгаж байна. Түүнчлэн дээрх хэрэг гарсны маргааш нь буюу 25-нд тус аймгийн Алдархаан суманд иргэн А хаднаас өөрийгөө боомилж үхсэн байна. Тэгвэл энэ сарын 1-нд өөр нэгэн этгээд хамт архи ууж байсан нөхрөө хутгалж амь насыг нь хохироосон гээд Завханд цөөн хоногт шил дараалсан олон хэрэг гарчээ.
 

Д.Эрдэнэцэцэг


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)