Живсэн байж болзошгүй хүүхдүүдийг олоогүй байна

Баянзүрх дүүргийн иргэн С уржигдар Туул голд живж амиа алджээ. ОБЕГ-ын алба хаагчид цогцсыг гарган, тус дүүргийн Цагдаагийн хэлтэст шилжүүлсэн байна. Мөн энэ сарын 15-нд Хан-Уул дүүрэгт найман настай, өнгөрсөн сарын 14-нд Налайх дүүрэгт 11-тэй хүүхэд голд живсэн ч одоо хүртэл олдоогүй аж. Ташрамд дурдахад, манай орны нийт гол, мөрний усны түвшин өмнө оны мөн үетэй харьцуулахад 30-140 см нэмэгдсэнийг Цаг агаар, орчны шинжилгээний газраас мэдээлжээ. Энэ долоо хоногт ихэнх нутгаар дуу, цахилгаантай аадар бороо орох тул иргэд үер, усны аюулаас урьдчилан сэргийлэхийг ОБЕГ-аас анхаарууллаа.

Бэлтгэсэн: О.Алуунгуа


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)