Дөрвөн сумд нэмэлт санал хураалт явуулах нь

Аймаг, нийслэл, сум, дүүргийн ИТХ-ын сонгуулийн 62 тойрогт өнгөрсөн ням гарагт нэмэлт санал хураалт явуулсан. Тэгвэл Завхан, Сэлэнгэ, Увс, Говь-Алтай аймгийн дөрвөн сумын ИТХ-ын сонгуульд нэр дэвшигчдийнх нь санал дахиад тэнцжээ. Тиймээс Аймаг, нийслэл, сум, дүүргийн ИТХ-ын сонгуулийн тухай хуульд заасны дагуу нэмэлт санал хураалт явуулахаар ирэх бямба гарагт товлосон байна. Тодруулбал, Говь-Алтайн Тайшир сумын ИТХ-ын сонгуульд АН-аас нэр дэвшигч Д.Отгонбаяр, С.Баярсайхан нарын авсан нэмэлт саналын тоо 17-гоор тэнцсэн аж. Завханы Нөмрөг сумд МАН-аас нэр дэвшигч Д.Нямбүрэн, АН-аас “сойсон” С.Чадарбал, Сэлэнгийн Зүүнбүрэн сумын ИТХ-д МАН-аас “уралдсан” Ц.Эрдэнэсайхан, АН-аас дэвшүүлсэн Б.Уянга нарын авсан санал тэнцсэн тул нэмэлт санал хураалт явуулах нь. Увс аймгийн Зүүнхангай сумын ИТХ-ын сонгуулийн нэмэлт санал хураалтад 34 хүн оролцсон бөгөөд нэр дэвшигч АН-ын Б.Цэрэнтогтох, МАН-ын М.Лхагваболд нарын санал тэнцжээ.

Бэлтгэсэн: Б.Анх 


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)