Г.Энэрэл ДАШТ-ээс хүрэл медаль хүртэж, түүхэн амжилт гаргав

Олон улсын хүндийн өргөлтийн холбооноос зохион байгуулж буй Өсвөр үеийн дэлхийн аварга шалгаруулах тэмцээн АНУ-ын Лас-Вегас хотод болж байна. Тэмцээнд 50 орны 13-17 насны 200 гаруй өсвөрийн туйванч өрсөлдөж буй юм.

Охидын 71 кг-ын жинд 17 настай Гомбосүрэнгийн Энэрэл түлхэлттэй өргөлтөөр 105 кг-ыг өргөж хүрэл медаль хүртлээ. Тэрбээр өсвөр үеийн ДАШТ-ээс медаль хүртсэн Монголын анхны туйванч боллоо. 

Өмнө нь М.Анхцэцэг залуучууд болон насанд хүрэгчдийн ДАШТ-ээс медаль хүртсэн анхны тамирчин болж байв. Дээрх тэмцээний 59 кг-д өрсөлдсөн Б.Хонгорзул шагналт тавдугаар байр эзэллээ.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)