Головин “Монако”-г сонголоо

Хөлбөмбөгийн ДАШТ-д ОХУ-ыг өндөр амжилт гаргахад голлох үүргийг гүйцэтгэж дэлхий нийтийн анхааралд өртсөн хагас хамгаалагч Александр Головин удтал тунгаасны эцэст “Монако” клубт очихоор шийджээ. Наймааны үнэ хөлсний талаарх албан ёсны мэдээлэл байхгүй ч хэвлэлүүдийн түгээсэн мэдээллээр Францын баг түүнийг авахын тулд “ЦСКА”-д 30-35 сая еврог санал болгосон байна. Италийн “Ювентус” баг Головины үнэ ДАШТ-ий дараагаар өсч болохыг таамаглаж эртнээс санал тавьсан ч орос хөлбөмбөгчин тэмцээнийг дуустал хариу өгөөгүй юм. Энэ хооронд “Барселона”, “Челси”, “Арсенал” зэрэг бусад топ багууд сонирхлоо илэрхийлж байсан. Головин “Монако”-д очих шийдвэр гаргасан нь Европын талбарт амжилт гаргах боломжоо харсан хэрэг байлаа. Учир нь тус клуб Оросын тэрбумтны эзэмшлийнх, мөн Мбаппе, Лемар, Бакаёоко зэрэг залуу оддыг бэлтгэсэн шилдэг сургалттай юм.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)