Генийг нь өөрчилсөн хүүхэд төрүүлснийг нотлов

Эрдэмтэн Хэ Зянькуй ДНХ-ийн өөрчлөлттэй хүүхдүүд төрүүлснийг Хятадын эрх баригчид нотолжээ. Эрдэмтний судалгааг мөрдөн шалгах ажлын урьдчилсан дүгнэлтээс үзвэл тэрбээр Хятадын хэд хэдэн хуулийг зөрчин хүүхдүүдийн генийг өөрчилсөн нь тогтоогдсон байна. 

Мөн эрдэмтэн ёс зүйн шалгалтын дүнг хоёр жил хуурамчаар үйлдсэн бөгөөд туршилтдаа оролцуулахаар найман хос сонгосноос хоёр эмэгтэй жирэмсэлжээ. Тэдний нэг нь ихэр Лулу, Нана нарыг төрүүлсэн бол нөгөө эмэгтэй хараахан нярайлаагүй байгаа аж.

Хэдийгээр ДОХ-ыг эмчлэхэд ахиц гарч байгаа ч эл өвчин дэлхийн хэд хэдэн улсад тухайлбал, хөгжиж буй орнуудад нас баралтын гол шалтгаан хэвээр байгааг Хэ Зянькуй ажлаа зөвтгөн мэдэгдсэн байна.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)