Галерей БНХАУ-ын Үндэсний урлагийн музейтэй “нөхөрлөлөө”

БНХАУ-ын хамгийн нэр хүндтэй музей манай Уран зургийн галерейтэй хамтарч ажиллахаар болжээ.

Хамтын ажиллагааныхаа талаар ярилцахаар галерейн захирал А.Чадраабал өнгөрөгч даваа гаригт Хятадын Үндэсний урлагийн музейгээр зочилж, дэд захирал, профессор Ма Шулинтай уулзсан байна.

Тус музей нь шилдэг уран бүтээлийн 10 мянга гаруй сан хөмрөгтэй бөгөөд энэ сарын 24-29-нд Нанжин хотноо болох Азийн урлагийн музейн захирлуудын чуулга уулзалтыг зохион байгуулахаар бэлтгэж бай гаа аж.

Азийн музейнүүдийн хөгжил дэвшил, хэтийн зорилго, маркетинг, менежментийн талаар зөвлөлдөх эл чуулга уулзалтад манай орноос Уран зургийн галерейн захирал оролцоно.

 

У.ЧИНГҮҮН


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)