Бөөр шилжүүлэн суулгах үндэсний багийнхан 201 дэх хагалгаагаа хийлээ

Улсын нэгдүгээр төв эмнэлгийн Бөөр шилжүүлэн суулгах үндэсний багийнхан энэ оны эхний, бөөр шилжүүлэн суулгаснаас хойших 201 дэх мэс заслаа амжилттай хийлээ. Эмнэлгийн захирлын 2006 оны тушаалаар байгуулагдсан тус багийнхан орчин үеийн анагаах ухааны нарийн технологи болох бөөр шилжүүлэн суулгах эмчилгээг эх орондоо нэвтрүүлсний ачаар ийнхүү 200 гаруй хүнд амьдрал бэлэглэсэн юм. Тиймээс эрүүл мэндийн салбарт онцгой гавьяа байгуулсан тэдний алдрыг, хийж бүтээсэн үйлстэй нь Хүндэт дэвтэрт мөнхөлж, ¹ 24 дэх гэрчилгээ олгосныг өчигдөр мэдээлсэн.

Ташрамд дурдахад, Улсын нэгдүгээр төв эмнэлгийнхний 1981 оноос хойш хөтөлж буй эл дэвтэрт салбараа манлайлсан, эмчилгээний шинэ арга нээсэн, технологи нутагшуулсан зэрэг гавьяатай 23 хүний нэр бичээстэй байдаг аж.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)