“Буянт-Ухаа 2”-ын эхний ээлжийг ирэх оны I улиралд ашиглалтад оруулна

“Буянт-Ухаа 2” хорооллын орон сууцыг ашиглалтад оруулах хугацаа ойртжээ. Төрийн орон сууцны корпорацын захиалгаар Үндэсний бүтээн байгуулалтын корпорац тус хорооллыг өнгөрсөн зургадугаар сараас барьж эхэлсэн бөгөөд ирэх оны I улиралд эхний 22 барилгыг улсад хүлээлгэн өгөх юм байна. Тус хороолол 28 га газрыг хамарсан, есөн давхар 48 барилга, 12 давхар 60 барилгатайгаас гадна дөрвөн цэцэрлэг, хоёр сургуультай байх аж. Өдгөө 2592 айлын орон сууцны 48 барилгыг барьж буйгаас үлдсэн 26 барилгыг ирэх аравдугаар сарын 31-нд хүлээлгэн өгөх юм байна. Үнийн хувьд тухайн үеийн зах зээлийн хамгийн хямд үнээр захиалга авах гэнэ. Ажлаа дуусгаад, санхүүжилтийн тооцоог гарган өртгөө тооцож, бодит үнийг тогтоох аж. 


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)