Буйр нууранд дөрвөн загасчин осолджээ

Дорнод аймгийн Халхгол сумын Ялалт багийн нутагт оршдог Буйр нууранд энэ сарын 24-нд завьтай загасчилж явсан дөрвөн залуу осолджээ. Одоогоор Буйрын мөс бүрэн гэсээгүй агаад тэдний нарийхан завь мөс цохиж хөмөрсөн гэх таамаг байна. Загасчдын гурав нь нууранд живсэн бол нөгөө нь эргээс 300 метр зайтай байсан мөсөн дээр гарч чадсан ч тусламж авч амжилгүй, осгож нас барсан байна.

Энэ нуур Монгол Улсын торгон хил дээр байдаг. Тиймээс хилийн 0306 дугаар ангийн нэг алба хаагч, хоёр иргэн завьтай очиж, 27 настай Б-г эрэг дээр гаргасан бол тус аймгийн Онцгой байдлын газрын найман аврагч 26 настай Б, 41 настай М, 42 настай Г нарын цогцсыг хайж байна. Тэд нуурын ойролцоо амьдарч, загас барин зардаг байсан аж.

 


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)