Бронислав Комаровский Катыньд айлчилна гэв

Польшийн офицеруудыг хөнөөсөн эмгэнэлт явдлын 71 дэх ойг тохиолдуулан Ерөнхийлөгч Бронислав Комаровский Катыньд айлчлахаар болжээ. ОХУ-ын Смоленск хотоос холгүй орших Катынийн шугуйд Польшийн 21.857 иргэнийг 1940 онд буудан хороосон юм.

Ерөнхийлөгч Бронислав Комаровскийн туслах Томаш Наленчийн мэдэгдсэнээр ирэх дөрөвдүгээр сарын 3-нд болох амь үрэгдэгсдийн дурсгалыг хүндэтгэх ёслолд эрх баригчдаас гадна энгийн иргэд ч оролцох гэнэ. Өнгөрсөн оны дөрөвдүгээр сард Польшийн Ерөнхийл өгч агсан Лех Качиньский эл ёслолд оролцохоор явж байгаад онгоцны ослоор амь үрэгдсэн билээ.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)