БРАВО: Хүүхдүүдэд зориулсан номын сан нэгээр нэмэгдлээ

Сүхбаатар дүүргийн 15 дугаар хороонд Хүүхдийн номын сан байгуулагдаж, өчигдөр нээлтээ хийлээ. Тус хороонд байрлах 58-р сургуулийг түшиглэн уг номын санг байгуулсан тул сургуулийн номын санч хариуцан ажиллуулах аж. Сургуулийн зэргэлдээ байрлах ашиглагддаггүй барилгыг засаж тохижуулах ажлыг дүүргийн хөрөнгөөр хийжээ. Харин номын фондыг 58--р сургуулийн номын сан болон Дүүргийн засаг даргын тамгын газрын ажилтан, албан хаагчид нэг өдрийн цалингаа хандивласнаар нийт 3.5 сая төгрөгөөр шинэ ном худалдан авч баяжуулжээ. 

58-р сургуулийн сурагчид болон 15-р хорооны хүүхдүүд үнэ төлбөргүй үйлчлүүлэх номын сан хоёр танхимтай бөгөөд өөрөө өөртөө үйлчилдгээрээ онцлог. 


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)