Баярын бялуугаа гэртээ хийхээр шийдсэн бол...

Гэртээ хийх боломжтой маш амархан бялууны жорыг бэлтгэлээ.

Орц:

Өндөг- 6 ширхэг, Масло- 200 гр, Ургамлын тос- 60 гр, Гурил-300 гр, Сүү-60 гр, Элсэн чихэр- 150 гр, Ванилла, Baken powder

Кремэнд:

Өндөг-6 ширхэг, Элсэн чихэр- 200 гр, Ванилла- 1 уут буюу 15 гр, Масло (давсгүй масло ялангуяа “President” масло маш сайн тохирно)

Эхлээд өндгөө хөөсөртөл нь миксэрдэнэ. Ингэхдээ миксерийнхээ хамгийн дээд хурд дээр нь ажиллуулаарай. Өндөг хөөсрөөд ирэхээр нь элсэн чихэр, дараа нь маслоо хийнэ. Дараа нь миксерийнхээ хурдыг багасгаж гурилаа хийнэ. Үлдсэн орцыг бага багаар дээрээс нь хийж зөөлөн хутгана. Энэ зуурмагаа бэлтгэж халаасан зууханд 170 хэмд 40 минут жигнэж болгоно. Кекс хийх савандаа калькан цаас дэвсэж тослохоо мартав. Тэгэхгүй бол кекс түлэгдээд муухай болно шүү.

6 ширхэг өндөгнийхөө зөвхөн цагааныг нь ялгаж миксердэнэ. Өндөгний цагаан хөөсөртөл нь сайн миксердээд дээр нь элсэн чихрээ нэмнэ. Ингээд хамтад нь хурдаа багасгалгүй цагаартал нь миксердэнэ. Дараа нь масло болон ваниллагаа нэмнэ. Ингээд хурдтай миксердсээр өтгөн, амтлаг крем бэлэн болно.

Одоо бялууны кексээ кремээрээ бүрээд л боллоо. Сайхан баярлаарай.

 


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)