Баавгайн савар борлуулах гээд баригдав

Орхон аймгийн Цагдаагийн газрын экологийн асуудал хариуцсан алба хаагч ховордож буй хүрэн баавгайн эд, эрхтэн худалдах гэж байсан этгээдийг илрүүлэв. Тодруулбал, 29 настай, эрхэлсэн ажилгүй Б нь баавгайн хоёр ширхэг сарвуу борлуулахаар тус аймагт явж байж. Хэдэн сарын өмнө ч Төв аймгийн Мөнгөнморьт сумын Захарын даваа гэх газраас иргэн А, З, Т нар гурван хүрэн баавгай агнаж, түүхий эд болох 12 сарвуу, тавхайг борлуулахаар бэлтгэснийг цагдаагийнхан илрүүлж байв. Монгол Улсын хуулиар хүрэн баавгайг ховор амьтанд тооцдог. Улмаар Эрүүгийн хуулийн 24.5-д зааснаар ховор амьтныг агнасан, тэдгээрийн гаралтай түүхий эдийн зүйлийг хадгалсан, худалдсан, худалдан авсан, тээвэрлэсэн, гадаадад гаргасан бол 5400-27 000 нэгжтэй тэнцэх хэмжээний төгрөгөөр торгодог. Эсвэл 1-5 жилийн хугацаагаар зорчих эрхийг хязгаарлах юм уу, дээрхтэй ижил хугацаагаар хорих ял шийтгэдэг.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)