Ахмадуудад наадмаас өмнө “Насны хишиг” олгоно

Засгийн газрын 2016-2020 оны үйл ажиллагааны хөтөлбөрт Ач санах хуулийг батлуулж, ахмадуудад “Насны хишиг” олгоно гэж тусгасан. Уг зорилтыг биелүүлэх ажлын хүрээнд ахмадуудад жилд хоёр удаа “Насны хишиг” олгох шийдвэрийг УИХ гаргасан билээ. Үүнийг Цагаан сар болон Үндэсний их баяр наадмын өмнө өгөхөөр хуульчилсан.

Ингэхдээ 65-69 насны ахмадуудад 50, 70-79 насныханд 80, 80-89 насныханд 150, 90-ээс дээш настай иргэдэд 250 мянган төгрөг олгохоор болсон юм. Энэ жилийн эхний “Насны хишиг”-ийг Цагаан сарын өмнө олгож, 114.434 ахмад настан авсан. Тэгвэл хоёр дахь удаагийн “Насны хишиг”-ийг уржигдраас олгож эхэлжээ.

Энэ тухай ХНХЯ-ны Төрийн нарийн бичгийн дарга Г.Өнөрбаяр “Улсын хэмжээнд 117.034 ахмадад “Насны хишиг” олгоно. Нэрсийн жагсаалтыг гэрээт банкуудад илгээж, 10.1 тэрбум төгрөгийн санхүүжилт шилжүүлсэн. 2017 оны төсөвт 20.5 тэрбум төгрөг “Насны хишиг”-ийн зардалд төсөвлөсөн” гэж ярилаа.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)