Ардчилсан Конго улсад жагсагчид НҮБ-ын бааз руу дайран оржээ

Өчигдөр /2019.11.25/Эсэргүүцэгчид Ардчилсан Конго улс дахь НҮБ-ын Төлөөлөгчийн бааз руу дайрч орон нутаг дэвсгэр дээрх барилга байгууламжуудыг нь галдан шатаажээ. Энэ тухай France-Press агентлаг мэдээлэв. Өмнө нь тус улсын зүүн хойд хэсэг Бени дахь баазын орчимд жагсагчид цагдаа нарын хооронд мөргөлдөөн эхэлсэн талаар тус агентлаг дурджээ. Жагсагчид хотын захиргааны байрыг ч мөн шатаасан байна. Эсэргүүцлийн жагсаал Бени хотод “Ардчилсан хүчний холбоо” террорист бүлэглэлийнхэн халдлага үйлдэж 8 энгийн иргэдийг хөнөөснөөс болж эхэлжээ. Конгын зэвсэгт хүчин өнгөрсөн 10-р сараас хойш тус улсын зүүн бүсэд террорист бүлэглэлүүдийг устгах томоохон байлдааны ажиллагаа явуулж байгаа аж.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)