Ардчилсан залуучуудын холбоо АН-д зүтгэхэд бэлэн гэв

Ардчилсан намын Ерөнхий нарийн бичгийн даргын үүрэг гүйцэтгэгч Л.Эрхэмбаяр өнөөдөр Ардчилсан залуучуудын холбоо /АЗХ/-ны Ерөнхийлөгч Б.Баттүвшин, тэргүүн дэд ерөнхийлөгч С.Эрдэнэболд, ерөнхий нарийн бичгийн дарга Г.Эрдэмхишиг нарыг хүлээн авч уулзлаа.

Уулзалтаар цаг үеийн асуудал болон цаашдын хамтын ажиллагааны талаар харилцан санал солилцов. АЗХ-ны Ерөнхийлөгч Б.Баттүвшин хэлэхдээ, “Цаашид АН-ын залуучуудаа дэмжиж, АЗХ-тойгоо хамтарч ажиллахыг хүсч байна. АЗХ-ны залуус бид ачаанаас үүрэлцэж, хариуцлагатайгаар хамтран ажиллахад бэлэн байна” гэсэн юм. АН-ын Ерөнхий нарийн бичгийн даргын үүрэг гүйцэтгэгч Л.Эрхэмбаяр “Залуус та бүхэнтэй цаашид бүх түвшинд хамтран ажиллахад бэлэн байна" гээд намын шинэчлэлийн төлөө, байнгын хамтын ажиллагааг өргөжүүлж тус холбооныхонтой хамтран ажиллахаа илэрхийлэв.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)