Анхааруулга: 29-30 нд хур тунадас нойтон цас орж хүйтэрнэ

Баруун аймгуудын нутгаар28-нд нутгийн баруун хэсгээр, 29-нд зарим газраар хур тунадас, уулархаг нутгаар цас орно. Салхи зүүн өмнөөс баруун хойноос 5-10м/с, 28-29 нд нутгийн өмнөд хэсгээр 18-20 м/с хүрч шороон ба цасан шуурга шуурна. 28-30-нд  хүйтэрч Алтай, Хангайн уулархаг нутгаар шөнөдөө 7-12 хэм хүйтэн өдөртөө 0-5 хэм дулаан, Алтайн өвөр говиор шөнөдөө 2-7 хэм өдөртөө 9-14 хэм, бусад нутгаар шөнөдөө 1-6 хэм хүйтэн өдөртөө 4-9 хэм дулаан байна. Бусад хугацаанд өдөртөө бага зэрэг дулаарна.


Төвийн аймгуудын нутгаар: 29-нд зарим газраар, 30-нд нутгийн зүүн хэсгээр, 1-нд нутгийн хойд хэсгээр хур тунадас, уулархаг нутгаар цас орно. Салхи өмнөөс баруун хойш эргэж 5-10 м/с, 29-нд зарим газраар 16 м/с хүрч шороон ба цасан шуурга шуурна. 29-30 нд хүйтэрч Хөвсгөл, Хангай, Хэнтийн уулархаг нутгаар шөнөдөө 6-11 хэм хүйтэн өдөртөө 1-6 хэм дулаан, бусад нутгаар шөнөдөө 3-8 хэм хүйтэн өдөртөө 4-9 хэм дулаан байна. Бусад хугацаанд өдөртөө бага зэрэг дулаарч уулархаг нутгаар шөнөдөө 3-8 хэм хүйтэн өдөртөө 5-10 хэм дулаан, бусад нутгаар шөнөдөө 1 хэм дулаанаас 4 хэм хүйтэн өдөртөө 9-14 хэм дулаан байна.


Зүүн аймгуудын нутгаар:  30-нд зарим газраар, 1-нд нутгийн өмнөд хэсгээр, 2-нд нутгийн хойд хэсгээр хур тунадас, уулархаг нутгаар цас орно. Салхи баруун хойноос 5-10 м/с, 30-2нд зарим газраар түр зуур 16м/с хүрч шороон шуурга шуурна. 28-29 нд ихэнх нутгаар шөнөдөө 2 хэм хүйтнээс 3 хэм дулаан өдөртөө 13-18 хэм дулаан байна. 30-1 нд хүйтэрч нутгийн хойд хэсгээр шөнөдөө 3-8 хэм хүйтэн  өдөртөө 2-7 хэм дулаан, бусад нутгаар шөнөдөө 0-5 хэмөдөртөө 6-11 хэм дулаан байна. Цаашдаа өдөртөө бага зэрэг дулаан байна.


Говийн аймгуудын нутгаар: 30-нд ихэнх нутгаар бороо хур тунадас орно. Салхи баруун хойноос 5-10м/с, 29-1 нд зарим газраар 16-18 м/с хүрч шороон шуурга шуурна. 28-29-нд ихэнх нутгаар шөнөдөө 0-5 хэм өдөртөө 15-20 хэм хүрч дулаарна. 30-нд хүйтэрч нутгийн хойд хэсгээр шөнөдөө 3-8 хэм хүйтэн өдөртөө 3-8 хэм дулаан, бусад нутгаар шөнөдөө 3 хэм хүйтнээс 2 хэм дулаан, өдөртөө 7-12 хэм дулаан байна. Бусад хугацаанд өдөртөө 11-16 хэм хүрч дулаарна.


Тариалангийн бүс нутгийн 2015 оны есдүгээр сарын 28-аас аравдугаар сарын 05-ыг хүртэлх
7 хоногийн цаг агаарын урьдчилсан төлөв

Төвийн бүсийн тариалантай нутгаар: 29-30нд ихэнх нутгаар хур тунадас нойтон цас, 1-нд нутгийн хойд хэсгээр бага зэргийн хур тунадас орно. Салхи өмнөөс баруун хойш эргэж 5-10м/с, 29, 1-нд зарим газраар 12-14 м/с хүрч шуурна. 28-нд өдөртөө 12-17 хэм дулаан байна. 29-30 нд хүйтэрч шөнөдөө 2-7 хэм хүйтэн өдөртөө 4-9 хэм дулаан байна. Бусад хугацаанд өдөртөө бага зэрэг дулаарч шөнөдөө 2 хэм дулаанаас 3 хэм хүйтэн өдөртөө 9-14 хэм дулаан байна.

Зүүн зүгийн тариалан бүхий нутгаар:30-нд зарим газраар, 2-нд нутгийн хойд хэсгээр хур тунадас нойтон цас орно. Салхи баруун хойноос 5-10 м/с, 30-2 нд зарим газраар түр зуур 16м/с хүрч шуурна. 28-29 нд ихэнх нутгаар шөнөдөө 1 хэм хүйтнээс 4 хэм дулаан өдөртөө 13-18 хэм дулаан байна. 30,2-нд хүйтэрч шөнөдөө 1-6 хэм хүйтэн өдөртөө 5-10 хэм дулаан байна. Цаашдаа өдөртөө бага зэрэг дулаарч шөнөдөө 2 хэм дулаанаас 3 хэм хүйтэн өдөртөө 9-14 хэм дулаан байна. 


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)