АНУ-ын хөрөнгийн зах зээл 2019 он гарснаас хойш хамгийн доод төвшинд хүрч унажээ


Америк-Хятадын хоорондох худалдааны дайн хурцадсаны улмаас АНУ-ын хөрөнгийн зах зээлийн энэ оны хамгийн дээд уналт наймдугаар сарын 6-нд тэмдэглэгдсэн байна. “ТАСС” агентлагийн мэдээлснээр Нью-Йоркийн хөрөнгийн биржийн өчигдрийн тайлан мэдээллээр Dow Jones аж үйлдвэрийн индекс 767.27 нэгжээр буурсан буурсан бол АНУ-ын зах зээлийн хамгийн том 500 компанийг багтаасан S&P 500 индекс 87.31 нэгжээр унажээ. NASDAQ цахим биржийн индекс 278.03 нэгжээр буурч 7 726.04 нэгжид унасан байна. Мөн Америкийн Apple, Amazone, Nike, Boeing корпорацуудын үнийн саналд мэдэгдэхүйц сөрөг динамик ажиглагджээ. Сануулахад, Хятад- Америкийн хооронд худалдааны дайн 2018 оны 7-р сард Вашингтон Хятадын 818 төрлийн импортын бараанд 25 хувийн татвар ногдуулснаас хойш эхэлсэн юм. 5-р сарын 10-наас хойш АНУ 200 тэрбум долларын өртөг бүхий бүтээгдэхүүний татварыг дахин нэмэгдүүлжээ. Үүний хариуд Бээжин АНУ-аас жил бүр 60 тэрбум долларын нийлүүлэлт хийдэг бараа бүтээгдэхүүний импортын татварыг нэмжээ.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)