АНУ, БНХАУ-ын худалдааны яриа хэлэлцээнд ахиц гарсангүй


БНХАУ болон АНУ-ын худалдааны хэлэлцээний гол асуудлаар хийсэн дэд дарга нарын төвшний төлөөлөгчдийн уулзалт ямар нэгэн ахиц гаргасангүй хэмээн “South China Morning Post” эх сурвалжуудыг иш татан мэдээлэв. Тус хэвлэлд тэмдэглэснээр уулзалт хоёр хоног үргэлжилж БНХАУ-ын Төрийн зөвлөлийн дэд ерөнхийлөгч Лю Хэ тэргүүтэй Хятадын төлөөлөгчид Баасан гарагт Вашингтоныг орхих төлөвлөгөөтэй байсан ч тэд хэлэлцээрийн эхний өдрийн дараа буюу Пүрэв гарагт явахаар төлөвлөжээ. Тухайлбал хэлэлцээний үеэр Хятадын төлөөлөгчид технологийг албадан шилжүүлэх, засгийн газрын татаас олгох асуудлыг хэлэлцэхээс татгалзжээ. Хятадын тал эргээд бараа бүтээгдэхүүний татварын нэмэгдлийг царцаах боломжийг авч үзэх талаар АНУ-ын төлөөлөгчдийг ятгаж дийлээгүй байна.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)