Ам.долларын ханш чангарч, юанийнх сулрав

Монголбанкнаас зарласан дундаж ханшаар ам.доллар өчигдөр 2649.36 төгрөгтэй тэнцэв. “Ногоон”-ы ханш дөрөвдүгээр сараас хойш аажмаар чангарсаар байна. Тодруулбал, дөрөвдүгээр сарын эхээр Төвбанкнаас зарласан ам.долларын ханш 2631-2632 төгрөгт хэлбэлзэж байсан юм. 

Хоёр сар орчмын хугацаанд ийнхүү 18 төгрөгөөр чангарсан хэрэг. “Найман шарга” валют арилжааны төвийн ченжүүд ам.долларыг 2651-ээр авч, 2654 төгрөгөөр борлуулж байлаа. Ам.долларын ханш хоёр, гуравдугаар сард бараг хэлбэлзэлгүй, тогтвортой байсан юм. Энэ үед ченжүүд 2640 орчим төгрөгөөр борлуулж байсан. 

“Найман шарга”-ын ченжүүд “Иргэд, аж ахуйн нэгжүүд сүүлийн үед ам.доллар зарах нь ховор байна” гэж ярив. Харин зах зээлд юанийн ханш сулраад байна. Ченжүүд өнгөрсөн сарын 1-нд нэг юанийг 396 төгрөгөөр борлуулж байсан бол өдгөө 383.5 төгрөг байна.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (1)