Ам.долларын ханш хагас жилд 144 төгрөгөөр чангарлаа

Монголбанкнаас зарласнаар манай зах зээлд ам.долларын дундаж ханш өчигдрийн байдлаар 2538.4 төгрөгтэй дүйлээ. Энэ нь “ногоон”-ы ханш сарын өмнөхөөс 66, хагас жилийн өмнөхөөс 144 төгрөгөөр чангарсан үзүүлэлт юм. “Найман шарга” валют арилжааны төвийн ченжүүд өчигдөр ам.долларыг 2550 төгрөгөөр авч, 2555-аар борлуулж байв.

Ченжүүд “Ам.долларын ханшийн өсөлт тогтворжих шинж алга. “Найман шарга”-д сар гаруйн хугацаанд “ногоон”-ы ханш бараг 100 төгрөгөөр чангарлаа. Ханш маш тогтворгүй, хэрхэх нь тодорхойгүй байна” гэж ярилаа. Тэгвэл “Төвбанкнаас ам.долларын ханш тогтвортой байгаа. Ийм хэмжээний өсөлт байдаг л үзэгдэл” гэсэн агуулгатай тайлбар өгсөн.

Валютын ханш өсөхөөр импортын бараа бүтээгдэхүүний үнэ дагаад дээшилдэг. Иймээс иргэдийн дунд ам.долларын ханшнаас шалтгаалан өргөн хэрэглээний бараа үнэд орно гэсэн хүлээлт үүсээд буй гэнэ.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)