Америкчууд алдаа гаргасан байв

Афганистаны Кундуз хо­тод “Хил хязгааргүй эмч нар” хэмээх олон нийтийн бай­гуул­ла­гын эм­нэлгийг Америкийн Агаа­рын цэр­­гийн хүчний он­го­цууд бөм­бөгд­сөн хэргийг шал­гаад дүгнэлт гаргажээ. Аф­га­нистан дахь олон ул­сын хүчний ко­манд­лагч, ар­мийн генерал Жон Кэмпбелл Пен­та­гонд болсон хэвлэлийн ба­га хурлын үеэр мэдэгдэхдээ, Аме­ри­кийн цэргүүд тус эмнэлэгт санаа­тайгаар хэзээ ч цохилт өгөхгүй гэж хэлсэн байна. Уг явдлыг “эмгэнэлт тохиолдол” гэж гене­рал үзээд, үүнд хүр­гэсэн хэд хэдэн шалтгаан бай­хыг үгүйс­гэсэнгүй. Юуны урьд эм­нэлгийг өөрсдийн гол бай болгосон Үндэсний аюулгүй байдлын газрын байшинтай Америкийн цэргүүд андуурсан аж. Цохилт өгөх ёстой дайчид уг байшинд нуугдаж байжээ. Цаа­шил­бал, цохилт өгсөн АС-130 онгоцны автомат санамжид байг нь буруу заагаад өгчихсөн байж. Гуравдугаарт энэ алдааг цохилт өгч эхлээд 12 минут өнгөрч бай­хад командлалдаа мэдэгдсэн бай­на. Алдаа хийснээ командлал ойл­гоход дахиад 17 минут шаар­даг­даж, тэр үед довтолгоон нэ­гэнт дууссан байв.

Алдаа гаргасан цэргийн ал­ба хаагчийг чөлөөлсөн гэж гене­рал Кэмпбелл мэдээлжээ. Ан­дуурч эмнэлгийг бөмбөгдсөн хэ­рэг явдал өнгөрсөн сарын 3-нд болсон юм. Бөмбөгдөх үед тэнд 100 гаруй өвчтөн, 80 эмч байжээ. Энэ алдааны төлөө АНУ-ын Ерөнхийлөгч Барак Обама дөрөв хоногийн дараа “Хил хязгааргүй эмч нар” бай­гууллагын ерөн­хий­лөгч Жо­ан­на Люгээс уучлалт хүсэж, Аме­рикийн Агаарын цэр­гийн хүчин алдаа гаргасныг Пе­нта­гоны тэргүүн Эштон Картер хүлээн зөвшөөрч, уг эмгэнэлт явдлын шалт­гааныг тогтоохын төлөө боломжтой бүхнийг хийж, буруутанд хариуцлага хү­лээл­гэ­хээ амласан юм.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)