“Азийн наадмын шилдэг 100 агшин” гэрэл зургийн үзэсгэлэн гарна

Монголын спортын сэтгүүлчдийн холбооноос 22 хүний бүрэлдэхүүнтэй баг Солонгосын Инчён хотод болсон Азийн зуны спортын XVII наадмыг сурвалжилсан билээ.

"Инчон-2014"  наадмыг сурвалжилсан гишүүдийн дөрөв нь гэрэл зурагчид юм. Тэд өөрсдийн санаачлагаар “Азийн наадмын шилдэг 100 агшин” гэрэл зургийн тайлан үзэсгэлэн гаргаж, Монголын баг тамирчдынхаа амжилт ялалтыг олон нийтэд  харуулахаар төлөвлөөд байгаа ажээ.

 Тодруулбал, Монголын спортын сэтгүүлчдийн холбооны гэрэл зурагчин Ч.Ганбат, Э.Магнайбаяр, “Өнөөдөр” сонины гэрэл зурагчин Э.Харцага, “Үндэсний шуудан” сонины сэтгүүлч Б.Мөнхзул нар Азийн наадмын эргэн тойронд болон ялалт, ялагдлын торгон агшинг гэрэл зургийн хальснаа буулгасан юм.

Гэрэл зурагчидын үзэсгэлэн энэ сарын 27-ны 12.00 цагт “Blue Moon” арт галерейн үзэсгэлэнгийн танхимд нээлтээ хийх бөгөөд тав хоног үргэлжилэх юм байна


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)