Австралид болох Олон улсын уул уурхай, эрдэс баялгийн чуулга уулзалтад оролцоно

Уул уурхай, хүнд үйлдвэрийн сайд Д.Сумъяабазар тэргүүтэй төлөөлөгчид 2018 оны аравдугаар сарын 29-ний өдрөөс 11 дүгээр сарын 1-ний өдрүүдэд зохион байгуулагдах Олон улсын уул уурхай, эрдэс баялгийн чуулга уулзалт (IMARC-2018)-д оролцоно. Чуулга уулзалт Австрали Улсын Мельбурн хотноо тав дахь удаагаа зохион байгуулагдах юм.

Энэ жилийн чуулга уулзалтад 6000 гаруй уул уурхайн салбарын шийдвэр гаргагчид, бодлого тодорхойлогчид, хөрөнгө оруулагчид, уул уурхайн түүхий эдийн худалдан авагчид, техникийн мэргэжилтнүүд оролцоно. Рио Тинто, Англо Американ, Нью Крест Майнинг, ЭмЭмЖи Лимитед зэрэг дэлхийн томоохон компанийн удирдлагууд илтгэл тавьж, нээлттэй хэлэлцүүлэг өрнүүлэх юм байна.

УИХ-ын 73 дугаар тогтоолоор Тавантолгойн нүүрсний ордын тусгай зөвшөөрөл эзэмшигч компанийн хувьцааны 30 хүртэл хувийг дотоод, гадаадын хөрөнгийн бирж дээр бүртгүүлж арилжихаар тогтсон билээ. Монгол Улсын Засгийн газраас уул уурхайн салбарт гадаадын хөрөнгө оруулалт татахад анхаарал хандуулж буй үед УУХҮ-ийн сайдын айлчлал тохиох юм.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)