Аваргуудын авьяасыг япончууд шагшив

Японы сүмо бөхийн их аварга Хакүхо М.Даваажаргал, Какүрюү М.Ананд нар бяртай, барилдаанчийг спортын хүрээнийхэн сайн мэднэ. Тэгвэл тэд нууц авьяасаа япончуудад сонирхуулжээ. Японы сагсан бөмбөгийн шигшээ багийн тамирчид нутагтаа германчуудтай нөхөрсөг тоглолт хийн, ДАШТ-ий өмнөх өнгөө шинжсэн юм. Эл тоглолтын нээлтэд хоёр монгол аварга оролцон, Хакүхо ойрын, Какүрюү холын зайн шидэлт гүйцэтгэжээ. М.Даваажаргал дөрөв, М.Ананд хоёр дахь оролдлогоороо гоол оруулж, спортын хорхойтнуудыг баярлуулав. Тэднийг техник сайтай, шаггүй авьяастай юм байна гэж япончууд битгий хэл мэргэжлийн сагсан бөмбөгийн тамирчид үнэлсэн гэнэ.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)