Аадар борооны улмаас хүндрэл үүсэхэд ажиллах машин механизм, техник хэрэгсэл, хүн хүчний бэлэн байдлыг хангахыг үүрэгдлээ

Ус цаг уур орчны шинжилгээний газраас ирүүлсэн урьдчилсан мэдээллээр зургадугаар сарын 27, 28-ны өдрүүдэд үргэлжилсэн аадар бороо орох төлөвтэй байна. Цаг үеийн нөхцөл байдалтай холбогдуулан болзошгүй үерийн гамшгийн үед ажиллах машин механизм, техник хэрэгсэл, хүн хүчний бэлэн байдлыг хангах талаар нийслэлийн Онцгой байдлын газар, нийслэлийн Мэргэжлийн хяналтын газар, нийслэлийн Хөдөө аж ахуйн газар, нийслэлийн Байгаль орчны газар, нийслэлийн Цагдаагийн газар, нийслэлийн Тээврийн цагдаагийн газар,  “Геодези усны барилга байгууламжийн газар” ОНӨААТҮГ, “Хот тохижилтын газар” ОНӨААТҮГ, “Улаанбаатар зам засвар арчлалтын газар” ОНӨААТҮГ, “Ус сувгийн удирдах газар” ОНӨААТҮГ, “Улаанбаатар дулааны сүлжээ” ТӨХК, “Улаанбаатар цахилгаан түгээх сүлжээ” ТӨХК танилцуулга хийв.

Ажлын хэсгийн ахлагч Хотын Ерөнхий менежер Т.Гантөмөр мэргэжлийн байгууллагуудад үргэлжилсэн борооны улмаас хүндрэл үүсэхэд хүн хүч, машин механизм, техник хэрэгслийг бэлэн байлгаж, хуваарийн дагуу шуурхай ажиллах, хоорондын уялдаа холбоог хангах зэрэг 9 чиглэлээр үүрэг даалгавар өглөө.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)